Silalat di Angkola,
Bulung Gadung di Mandailing
Ulang marmayam amang di na sikola
Anggo gara-gara ni bujing-bujing



Kamis, 17 Juli 2014

Musyafir



Tolu taon najolo jungada pas mulak au tu ita-an (Panyabungan) sego dalan di Palupuh (Bukittinggi), akhirna marsambung motor au dot Sipirok Nauli. Sapala upareso ibagasan motor i antong na marbalun do dot timbus sigaret. Au ben napuaso i antong, ubuat abit karung ubaen panutup ni igung dot baba, harana ibape pangidup do, tontu manggangu pangirasoan niba. 
Songon na tarsinggung na dilambungki, antong mangecek ma ia :
Ia    : "Mangido mohof da dongan, inda puaso au"
Au  : "Ah, nga maua bai biaso dei, apalagi na lain ugamo ita antong, bo bia do baenoni?" (harana di motor i adong2 juo alak toba)
Ia    : (lao burangkit tu au) "Na ISLAM do au ba, ise mandokon au naso Islam?" (lao ipajojor ia kaji sian sipat 20, fiqh santak tu tasauf).
Au   : "Jadi anggo na Islam, aso inda puaso hamu?"
Ia  : "Tai musyafir kita, madung lobi 80 km Bukittinggi-Panyabungan" (rupa na rap par Panyabungan do)
Au    : Na idokon dabole musyafir, alak na dalam perjalanan dan dalam kepayahan dei, jungada dehe hamu tu Arab?, alak najolo di jaman ni Rasulullah SAW kendaraan ni alai unto do, kehe marboniaga tu Syam, siang malam di tonga ni Padang Pasir i, pala arian dua kali (2 x) di itaon milasna, pala borngin inda tanggung ngalina. Mar ari-ari halai na dalan pat i, jadi wajar mai alai inda puaso, salingkan naso puaso pe payah ilala di padang pasir i, apalagima na puaso....Ita nangkin na dung rap sahur do paten di Bukittinggi, sidungi sumbayang subuh, baru marmotor Sipirok Nauli, motorna AC muse do, bangkuna pe 2-1 do, tai inda puaso homu, ahama ilala homu na mamborati na mar Agama on. 

Sadebana halak kita i na marpesawat do Jakarta-Medan, idokon ia muse ma na musyafir ia, padohal ibagasan pesawat i pe inda tanggung tagina, na sinok muse dope modom niba, inda juo puaso iba? leng na musyafir juo alasan niba?
Ia    : (Sip polngit tong dongan sabangku on, sapala upareso nadung modom do ia, rupana baya nadung mangecek do sasada au adop tingkap ni motor i).
.
....tar dua ari tingon i, pas poken Kamis di Panyabungan kehe au dot inang ni daganak tu pasar balanjo, pas kotu luhur kehe muse au tu musholla na di balakang. Sapala ning roa muyu pas get manjawek, pasuo mulak dot dongan na samotor nasadarian, dompak patik sigaretna disusui ni jamban i, .....
Au   : "Bo, ison kamu nanga, ita dei na samotor nasadari tile?"
Ia     : "Olo ipar, ita madai" (anggo sigaret i ba lek patik ditangan nai)
Au    : "Jadi leng na musyafir juo dope langa?" leng naso puaso dope uida
Ia     : "Imada ipar, andostorangi dabo inda marniat au" (madung get 20 ari puaso naso unjung dope marniat ia).
Au  : "Sip au tong songkoni, upatorus na manjaweki, tai boto leng mar monok-monok ibagasan roangku" ...."Nasadari ningia ben na Musyafir, Sadarion Lupa Marniat, Cogot Torangan Ari, Aduan panyakit Maag, adong sajo alasan nia, sangajo nga nget puaso BABA nia" ningna ibagasan roangku.

--o0o--
Bulunggadung Mandailing, O Tano Hasorangan, Tano Hatubuan, Inganan Parmayaman, Lubuk Parkatimbungan, Sian Ranjo Batu Santak Tu Sihepeng, Tano Nagambur Nanapu, Ingkon Mulak do au pala marhepeng..... alaleee bayaaa...