Lao marangkat au inang tu Apea
Namodom dope ho baya mangkaluk bantal
Upature ulosmu lao upandang
Bisuk-bisuk ko nian simbur magodang
Mangalayan piso guris au inang di topi ni saba
Tarsunggul ko
modom get kehe sikola
Sobar markancit inang ulang kita mardosa
Ulang mangupat inang hara ni nasuada
Mamandang au tu langit taringot tu ho
Atia marongok di untuk di tor
Ringgas-ringgas ko nian inang di namarsikola
So adong doma baya ubat ni lungun dohot loja
Utokok ember di na get mandaek
Tarbayang ayah baya di arga na dung manaek
Mapistak aek ni apea hona tu mata
Sondia ma ita baen angke dompak soni masona
Mangkuling baya inang giring-giring, di dolok tanjung
dope au
Isar ma ho dabo inang mabujing, so tar tolongi ho doma
baya umakmu
Anggo rongit do da inang dohot agas
Madung dongan doma i baya di namarusaho
Borngin doma baya so lalu ayah tu bagas
Madung modom muse maho baya inang,
Andigan doma ita pasuo?
Tor napitu di Kotanopan
Na itatap sian tor napa-napa
Pabahat sobar di hangoluan
Ulang tarsulandit, ulang marmara………………..
---o0o---
