Silalat di Angkola,
Bulung Gadung di Mandailing
Ulang marmayam amang di na sikola
Anggo gara-gara ni bujing-bujing



Rabu, 27 Februari 2013

Mur Ma Lapang

"Adope le, marmasukan bo hamu tuson, ulang jagoi hamu idalan-dalani" ning Japardamean mandok Jakoje rongkon Jamangampun najuguk didalan-dalan i ijolo lopo di Jarundut di potang-potang ni ari.
"Olo, ro ma hami on", ning Jakoje antong mangalus
"Roma hami ningmu, tai leng na juguk do hamu didalan-dalani, tuson mada pajuguk kamu nadua da, so ibaen tuhamu kopion, dompak milas bo" ning Japardamean muse mandok halai nadua.
"Tu homa isampakkon" ning Jakoje muse mambalos.
 
Inda sadia onok tong ro ma Jakoje dot Jamangampun tu bagasan lopoi.....
 
"Adope, geser tusi sotik" ning Jamangampun mandok Jabodil nadompak asik manonton TV
"Anggo hamu peda ipar, anggo inda manyompit-nyompiti inda na sonang roha muyu" ning Jabodil mandok Japangampun.
 
"Songon najarang-jarang kuida hamu ro tulopo on, tako nadung i dapur muse ma manderai?" ning Japardamean adop Jamangamampun
"Inda ba pareban, tai iboto hamu do parsontingan sajo, daganak marsikolaan, porlu on porlu i, ngana mangarti iba dabe, manombo na mur masompit do ulala dung gok daganak on.
"Bo, nasantak muse antong pangirasoan muyu tile, anggo au boto, anggo au do da dongan, na mur malapang do ulala dung gok daganak" ning Japardamean lao mangkardak kalai naopat.
 
"Jiana doon, sai tobang-tobang kamu baya, marroncaman dope parkobaran muyu" ning alak bagas Jarundut nampuna lopoi.
Olo ba, ima tobang-tobang na halai dongan leng naroncam dope" ning roa ni namambaca tulisan on muse sada-sadana

"Inda na roncam kami dale dongan, napeto do carito on" ning Japardamean leng tata

1 komentar:

Rosidi mengatakan...

http://softwarepsr.com/moneydream

Sofwear untuk menambah saldo rekening bank anda
download sofwearnya jalankan triknya
saya udah coba dan berhasil
pertama2 download sofwearnya trus instal dikomputer dan lakukan aktifasi kemudian lakukan sesuai petunjuknya alhamdulillah
saldo tabungan saya bertambah ini beneran ...saya udah buktiin selamat mencoba .
100% bukan kriminal .& 100% halal.
berawal dari tidak percaya ternyata setelah dicoba ada hasilnya.

Bulunggadung Mandailing, O Tano Hasorangan, Tano Hatubuan, Inganan Parmayaman, Lubuk Parkatimbungan, Sian Ranjo Batu Santak Tu Sihepeng, Tano Nagambur Nanapu, Ingkon Mulak do au pala marhepeng..... alaleee bayaaa...